Sóli Hólm er nýjasti gestur Íþróttavikunnar, sem sýnd er í Sjónvarpi Símans undir hlekk Hringbrautar og á 433.is. Helgi Fannar Sigurðsson og Hrafnkell Freyr Ágústsson hafa umsjón með þættinum.

Gylfi Þór Sigurðsson gekk í raðir Lyngby á dögunum og fær fólk því loks að sjá hann á knattspyrnuvellinum á ný.

„Þetta er búið að vera rosalega skrýtið sumar hvað það varðar. Maður heyrði fyrst að hann væri kominn til DC United í Bandaríkjunum. Svo veltu allir Sádi-Arabíu fyrir sér, hvort hann myndi enda þar. En Freysi (Freyr Alexandersson þjálfari Lyngby) er svolítið í þessu núna, að taka gömlu landsliðshetjurnar og gefa þeim stökkpall. Og græðir á því sjálfur líka auðvitað,“ sagði Sóli um málið.

Hrafnkell tók til máls.

„Freysi er ekki bara fótboltaþjálfari. Hann er ótrúlega góður í að fá menn með sér og rífa þá upp. Hann er frábær sölumaður og ég held að það hafi komið honum langt. Ég held að það sé rosalega gott fyrir Gylfa að fara til hans.“

Umræðan í heild er í spilaranum.