Tottenham er að skoða það að gera rausnarlegt tilboð í Conor Gallagher miðjumann Chelsea áður en glugginn lokar. Telegraph segir frá.

Þessi enski landsliðsmaður var fyrirliði Chelsea þegar liðið vann Wimbledon í enska deildarbikarnum í gær.

Gallagher hefur byrjað alla leiki tímabilsins en er í hættu á að missa sætið sitt innan tíðar.

Chelsea hefur keypt Moises Caicedo og Romeo Lavia á miðsvæi sitt sem verða líkleg þar ásamt Enzo Fernandez.

Gallagher er 23 ára gamall og er ánægður hjá Chelsea en enska félagið þarf að selja leikmenn eftir botnlausa eyðslu í sumar.

Chelsea er að kaupa Cole Palmer frá Manchester City á 45 milljónir punda og gæti Chelsea þurft að losa eitthvað í staðinn.