Stuðningsmenn Southend United voru alls ekki sáttir í vikunni er liðið spilaði við Eastleigh í fimmtu efstu deild Englands.

Enska knattspyrnusambandið tók ákvörðun um það í vikunni að draga tíu stig af Southend sem er því á botni deildarinnar.

Ástæðan er eigandi félagsins, Ron Martin, sem skuldar mikla peninga og varð það til þess að félaginu var refsað.

Félagið skuldar alls 275 þúsund pund og hefur þar til í október til að gera upp eða refsingin gæti orðið verri.

Á tíundu mínútu í leiknum við Eastleigh þá ákváðu stuðningsmenn að kasta tennisboltum inn á völlinn í mótmælaskyni sem varð til þess að leikurinn var stöðvaður.

Þeir vilja flestir ef ekki allir sjá Martin selja félagið sem hafnaði í áttunda sæti á síðustu leiktíð.

Myndir af þessu má sjá hér.