Roy Keane hefur tjáð sig um skemmtilegt atvik sem átti sér stað á hóteli í Newcastle er hann lék með Manchester United.

Keane varð þar reiður út í þáverandi liðsfélaga sinn Wayne Rooney en hann vildi fá að horfa á sitt efni í sjónvarpinu – eitthvað sem Rooney tók ekki í mál.

Rooney breytti um rás í sjónvarpinu vegna X Factor sem var mjög vinsæll þáttur á þessum tíma og faldi í kjölfarið fjarstýringuna frá Keane.

Rooney hefur sjálfur tjáð sig um atvikið og talaði um rifrildi á milli þeirra tveggja sem Keane þverneitar fyrir.

,,Það voru svo sannarlega engin rifrildi okkar á milli. Ég mikið að horfa á ruðning [Rugby] á þessum tíma og einhver skipti um rás sem ég var ekki ánægður með,“ sagði Keane.

,,Við rifumst hins vegar ekkert í kjölfarið. Degi seinna þá var ég mættur í morgunmat og Wayne spurði mig hvort ég hefði fundið fjarstýringuna.“

,,Ég sagði honum einfaldlega hvert hann mætti fara. Ef það er rifrildi, Guð hjálpi mér. Ég sýndi Wayne enga virðingu þarna því hann svaraði mér fullum hálsi og vildi horfa á X Factor.“

,,Á bakvið allt þetta þá bar ég virðingu fyrir honum að lokum því Wayne var frábær knattspyrnumaður.“