Mason Greenwood framherji Manchester United heldur áfram að æfa á fullum krafti þrátt fyrir að framtíð hans sé í óvissu. Hann hefur ekki æft með United í átján mánuði.
Greenwood er nú staddur í Dubai þar sem hann fór á æfingu með Anthony Elanga samherja sínum hjá United.
The Athletic sagði frá því á dögunum United sé við það að taka ákvörðun um framtíð Greenwood. Hefur félagið rannsakað mál hans undanfarna mánuði. Greenwood hefur ekki spilað fótbolta í rúmt ár eftir að hafa verið handtekinn. grunaður um nauðgun og ofbeldi í nánu sambandi.
Lögregla felldi málið niður á dögunum þegar lykilvitni breyttu framburði sínum og ný gögn komu á borð lögreglunnar. United rannsakar málið sjálft og skoðar hvort þessi 21 árs gamli leikmaður eigi afturkvæmt hjá félaginu.
Fari svo að United vilji losna við hann virðist nokkur fjöldi félaga vilja taka hann en lið víða um Evrópu vilja hann á láni.
