Manchester United hefði getað fengið skotmark sitt, Moises Caicedo, á mun betra verði fyrir tveimur og hálfu ári.
United er að ganga frá kaupum á Mason Mount á 60 milljónir punda frá Chelsea.
Þrátt fyrir það er Caicedo, sem er leikmaður Brighton, áfram orðaður við félagið. Ekvadorski miðjumaðurinn hefur verið orðaður við nokkur stórlið undanfarið en Brighton hafnaði til að mynda 70 milljóna punda tilboði Arsenal í janúar.
Nú er talið að Brighton vilji allt að 100 milljónir punda fyrir hann.
Brighton keypti Caicedo snemma árs 2021 frá Indipendiente í heimalandinu. Þá hafði United einmitt áhuga á honum.
Í fyrra kom það fram í enskum miðlum, eftir flotta frammistöðu Caicedo gegn United, að United hafi fengið tækifæri til að kaupa Caicedo á 4,5 milljónir punda áður en hann fór til Brighton.
Þetta var svo rifjað upp í dag. Ekki er ljóst hvort United hjóli í Caicedo eða láti Mount duga í bili.
