Aga- og úrskurðarnefnd ákvað á fundi sínum þann 23. maí að sekta knattspyrnufélagið Vestra, um 75.000 kr. vegna opinberra ummæla og myndbirtingar Samúels Samúelsson, formanns stjórnar mfl. karla á twitter vefsíðu hans.
Vestri hafði þá tapað gegn Þór í Lengjudeildinni í fyrstu umferð og svaraði Saméul færslu fréttamanns RÚV. Hafði Þórsarinn, Óðinn Svan Óðinsson hjá RÚV tíst um leikinn en Samúel vildi meina að Gunnar Hafliðason dómari hafi hjálpað Þór í leiknum.
Gott að eiga góða að 👍 pic.twitter.com/SX5BFWFigs
— Samúel Samúelsson (@SSamelsson) May 6, 2023
Um var að ræða opinber ummæli og myndbirtingu sem eru að mati framkvæmdastjóra til þess fallin að skaða ímynd íslenskrar knattspyrnu og með þeim hafi alvarlega verið vegið að heiðarleika og heilindum dómara í leik Þórs og Vestra í Lengjudeild karla, þann 6. maí.
Dómurinn:
Á fundi aga- og úrskurðarnefndar KSÍ 23. maí 2023 var tekin fyrir greinargerð sem framkvæmdastjóri KSÍ sendi til nefndarinnar þann 15. maí, skv. 20. gr. í reglugerð KSÍ um aga- og úrskurðarmál. Fram kemur í greinargerð framkvæmdastjóra að málið varði ósæmileg opinber ummæli og myndbirtingu Samúels Samúelssonar, formanns stjórnar mfl. karla í knattspyrnu hjá Vestra.
Hafi ummælin og myndbirtingin birst á twitter vefsíðu Samúels. Að mati framkvæmdastjóra var með ummælunum og myndbirtingunni vegið að- heiðarleika og heilindum dómara í leik Þórs og Vestra í Lengjudeild karla, þann 6. maí sl.
Ummæli sem vitnað er til í greinargerð framkvæmdastjóra eru eftirfarandi:
„Gott að eiga góða að.“ Með twitter færslu Samúels var birt mynd af dómara í leik Þórs og Vestra þann 6. maí sl., Gunnari Oddi Hafliðasyni.
Í samræmi við grein 20.2. í reglugerð KSÍ um aga- og úrskurðarmál ber að fara með mál, sem framkvæmdastjóri vísar til nefndarinnar á grundvelli 20. greinar, eins og um kærumál sé að ræða. Greinargerð framkvæmdastjóra var því send til
knattspyrnudeildar Vestra og félaginu gefinn kostur á að koma sjónarmiðum sínum í málinu á framfæri við nefndina fyrir kl. 16:00 mánudaginn 22. maí 2023.
Á fundi nefndarinnar 23. maí 2023 lá fyrir tölvupóstur sem barst til skrifstofu KSÍ frá Samúel Samúelssyni, formanni stjórnar mfl. karla í knattspyrnu hjá Vestra. Í tölvupóstinum kom fram að Samúel taki fulla ábyrgð.
Ákvað aga- og úrskurðarnefnd KSÍ á fundi sínum 23. maí 2023 að sektaknattspyrnudeild Vestra, um kr. 75.000,- vegna framangreindra opinberraummæla Samúels Samúelssonar.
