Samkvæmt Corriere dello Sport er Manchester United langt komið með að ganga frá kaupum á Kim Min-jae varnarmanni Napoli.
Sagt er að United borgi 40 milljónir punda fyrir Kim en klásúla kemur upp í samningi hans í júlí.
Napoli sem varð ítalskur meistari í ár borgaði 16 milljónir punda fyrir Kim síðasta sumar, þá kom hann frá Fenerbache.
Fabrizio Romano segir að United sé byrjað að ræða við Kim um kaup og kjör og byrjað sé að skoða framtíðar húsnæði fyrir kauða.
Napoli hefur reynt að framlengja samning Kim til að taka út klásúluna í samningi hans en hann vill það ekki.
Kim er frá Suður-Kóreu en hann þarf að nota sumarið í að klára herskylduna í heimalandinu.