Bruno Fernandes skoraði eina mark leiksins í sigri Manchester United á Aston Villa um helgina. Fagn hans vakti athygli og hefur hann nú svarað fyrir það.
Liðin mættust í ensku úrvalsdeildinni á sunnudag í mikilvægum leik í baráttunni um Evrópusætin. Með sigrinum fór United langleiðina með að tryggja sér Meistaradeildarsæti fyrir næstu leiktíð.
Sigurmarkið skoraði Fernandes af stuttu færi seint í fyrri hálfleik. Portúgalinn fagnað fyrir framan stuðningsmenn Villa en segir það ekki hafa verið með ásetningi gert.
„Þeim líkar örugglega ekki að spila gegn mér en ég myndi vilja að þeir myndu einbeita sér að því að styðja sitt lið í stað þess að einblína á mig,“ segir Bruno, sem hefur skorað sjö sinnum í átta leikjum gegn Villa á ferlinum með United.
„Þetta var bara fagn. Ég skoraði í þessu horni svo ég fagnaði þar. Þetta var engin vanvirðing. Stuðningsmenn þeirra gerðu eitthvað en ekki ég.
Ég gerði mitt starf. Ég skoraði og fagnaði eins og ég geri alltaf.“
