Georgina Rodriguez virðist hafna því að erfiðleikar séu í sambandi hennar og Cristiano Ronaldo með nýrri færslu á Instagram.

Það hafa verið orðrómar um að vandræði séu í paradís. Sást knattspyrnumaðurinn til að mynda rífast heiftarlega við Georginu áður en þau fóru í flug á dögunum.

Talað hefur verið um að samband þeirra hafi ekki verið gott frá því Ronaldo gekk í raðir Al-Nassr í Sádi-Arabíu í vetur.

Þá setti vinur móður Ronaldo bensín á bálið þegar hann sagði að knattspyrnustjarnan væri „búin að fá nóg“ af Georginu.

Nú hefur Georgina hins vegar slökkt í öllum sögusögnum með nýrri færslu.

„Þeir sem eru öfundsjúkir slúðra. Slúðrist dreifist út og hálfvitinn trúir því,“ skrifaði hún.

Nokkuð ljóst er hvað hún á við með þessu.