David De Gea vann heimavinnuna fyrir undanúrslitaleik enska bikarsins gegn Brighton um helgina.

Hans lið, Manchester United, vann sigur á Brighton í vítaspyrnukeppni. Markalaust var eftir venjulegan leiktíma og framlengingu.

Jesse March var sá eini sem klikkaði á spyrnu í vítaspyrnukeppninni. Hann skaut hátt yfir.

De Gea varði því ekkert víti en hann var samt búinn að vinna heimavinnuna sína.

ESPN birti mynd af því sem stóð á vatnsbrúsa Spánverjans. Hann skoðaði hann alltaf á milli spyrna.

Þar stendur hvar líklegt væri að menn myndu skjóta, í hvaða horn og hversu hátt.

Mynd af þessu er hér að neðan.