Knattspyrnumaðurinn Benjamin Mendy á þriggja ára dóttur á Spáni sem hann er í engum samskiptum við. Móðir stúlkunnar, Yolanda Aguera, tjáir sig við enska götublaðið The Sun.

Það var árið 2019 sem Mendy var í fríi í Barcelona og hitti Aguera. Þau stunduðu þar kynlíf og varð hún ólétt af dóttur þeirra, sem hún eignaðist í apríl 2020.

Mendy er á mála hjá Manchester City en hefur ekki spilað í hátt í tvö ár vegna meintra kynferðisbrota sinna. Hann var ákærður fyrir sjö nauðganir á fjórum konum, eina tilraun til nauðgunar á öðru fórnarlambi og kynferðisbrot.

Mendy var fundinn saklaus í sex nauðgunarmálum af sjö og meintu kynferðisbrot. Það verður réttað yfir honum í júní á ný vegna einnar nauðgunar og tilraunar til nauðgunar.

Síðan málin komu upp í september 2021 hefur Mendy ekkert fengið greitt frá City. En hann þénaði þar um því sem nemur 15 milljónum króna á viku samkvæmt samningi.

Mendy greiðir Aguera aðeins um 60 þúsund krónur á mánuði fyrir uppihaldið á dóttur þeirra, þrátt fyrir að hún hafi sóst eftir mun hærri upphæð.

„Síðustu þrjú ár sem einstæð móðir hafa verið erfið,“ segir Aguera, sem býr með dóttur þeirra í lítilli íbúð á Spáni.

„Peningurinn sem Ben borgar hjálpar en ég er hrædd um að ná ekki endum saman og tryggja að dóttir okkar fái allt sem hana vantar.

Ég þarf að borga 90 þúsund á mánuði af húsnæðisláninu svo ég þarf að treysta á þann litla sparnað sem ég á og aðstoð frá foreldrum mínum.“

Aguera viðurkennir að hún væri til í að sjá Mendy eiga í meiri samskiptum við dóttur þeirra, sem að sögn hennar elskar fótbolta eins og hann.

„Ég væri til í að Ben væri þegar dóttir hans er að alast upp. Hann á ekkert almennilegt samband við hana og hefur bara hitt hana einu sinni, þegar við flugum til Manchester og heimsóttum hann.“