Thierry Henry býst ekki við því að Romelu Lukaku muni snúa aftur til Chelsea eftir lánsdvöl hjá Inter Milan.
Henry þekkir Lukaku vel en þeir unnu saman í belgíska landsliðinu og skoraði sá síðarnefndi sigurmark Inter í Meistaradeildinni í síðustu viku.
Lukaku byrjaði þann leik á bekknum en er ákveðinn í að vinna sér inn sæti á San Siro eftir erfitt tímabil.
Það gekk lítið upp hjá Lukaku hjá Chelsea, eitthvað sem Henry bjóst við áður en hann skrifaði undir 2021.
,,Ég er svo ánægður fyrir hönd Rom. Hann lítur út fyrir að vera í betra standi og er grennri, hann vill sanna sig. Ég tel að hann hafi verið vonsvikinn að fá ekki að byrja,“ sagði Henry.
,,Eina svarið sem þú getur gefið er á vellinum og hann gerði það. Magnaður skalli. Þú kemur inná og reynir að láta til þín taka og spyrja stjórann spurninga.“
,,Við ræddum saman er hann fór til Chelsea og ég sagði honum að hann myndi eiga erfitt uppdráttar þar. Vegna þess hvernig Thomas Tuchel vildi spila.“
,,Mun hann henta leikkerfi Graham Potter? Þeir eru nú þegar í nógu miklum vandræðum. Ég held að hann vilji ekki snúa aftur, hann vill vera áfram hjá Inter.“
