Mikel Arteta, knatt­spyrnu­stjóri Arsenal hefur verið gagn­rýndur fyrir hegðun sína á hliðar­línunni í leikjum Arsenal, þar á meðal mót­mælum sínum í garð dómara­t­eymisins þegar á­kvarðanir falla ekki með Arsenal. Þá var hann sakaður um að hæðast að dómara leiksins 4-2 sigri Arsenal á Aston Villa.

Spán­verinn hefur verið sagður vera skömm fyrir Arsenal og þá hefur hann einnig verið kallaður trúður en Ally McCoist, fyrrum atvinnu- og landsliðsmaður í knattspyrnu sem og knattspyrnulýsandi,  telur hins vegar að hegðun Arteta sé að hjálpa Arsenal.

,,Ég sé ekki hvert vanda­málið er við þetta,“ sagði McCoist í við­tali hjá talk­SPORT. ,,Það eru margir sem hafa gagn­rýnt hann en ég sé ekki vanda­málið.

Hann er á­byggi­lega að gera þeta­viljandi. Ég tel að hann verði að skapa smá hama­gang svo stuðnings­mennirnir sjái hversu mikils virði þetta starf er honum.“

Þetta hafi meðal annars leitt til þess að Emira­tes leik­vangurinn, heima­völlur Arsenal, sé orðið að vígi.

,,Þetta er allt annar leik­vangur núna.“

Arsenal situr á toppi ensku úr­vals­deildarinnar sem stendur með nokkurra stiga for­skot á Manchester City sem situr í 2. sætinu. Arsenal mætir Leicester City á laugar­daginn kemur.