Eigin­kona Thiago Silva hefur, í gegnum tíðina, ekki látið standa á skoðunum sínum varðandi fé­lags­lið hans, enska úr­vals­deildar­fé­lagsins Chelsea. Nýjustu vendingar hafa komið mál­efnum hennar og Thiago enn og aftur í kast­ljósið.

Belle Silva líkaði við færslu sem birt var á sam­fé­lags­miðlinum Twitter þar sem Graham Potter, knatt­spyrnu­stjóri Chelsea var harð­lega gagn­rýndur eftir tap liðsins gegn fall­bar­áttu­liði Sout­hampton á dögunum.

Í færslunni, sem beint er sér­stak­lega til Belle, er Potter sagður van­hæfur þjálfari.

,,Hann skilur ekki að þetta er Chelsea sem um ræðir, ég held að hann telji sig enn á mála hjá Brig­hton,“ stóð í um­ræddri færslu.

Þetta er ekki í fyrsta skipti sem Belle kemur sér í kast­ljósið vegna skoðanna sinna í tengslum við Chelsea.

Hún hefur gagn­rýnt leik­menn liðsins opin­ber­lega og þá lýsti hún yfir von­brigðum sínum á há­tíðar­höldunum í Lundúnum eftir að Chelsea var Evrópu­meistari fé­lags­liða árið 2021.

Sjálfur er knatt­spyrnu­stjórinn Graham Potter í miklum vand­ræðum þessa dagana. Þrátt fyrir að miklum fjár­munum hafi verið eytt í nýja leik­menn, situr Chelsea í 10. sæti ensku úr­vals­deildarinnar.