Graham Potter, stjóri Chelsea, er einn af þeim sem væri til í að VAR hefði aldrei orðið hluti af fótboltanum.

Myndbandstæknin hefur fengið mikla gagnrýni undanfarnar vikur en mörg mistök hafa verið gerð í ensku úrvalsdeildinni.

Potter hafði lítið út á VAR að setja en telur að leikurinn væri ekki verri og væri jafnvel betri ef leikurinn væri eins og hann var áður en notast var við tæknina.

,,Ég er ekki með nein vandamál þegar kemur að VAR en ég hefði ekki valið það í fyrsdta lagi því ég er rómantískur og er með mínar hefðir,“ sagði Potter.

,,Ég skil að við viljum að allar ákvarðarnir séu réttar en svo hugsa ég með mér hvort við viljum í raun að allt sé gert rétt. Það eru mannleg mistök sem eiga sér stað í leikjum og það við getum rætt það og pirrast yfir því. Það er hluti af leiknum.“