Það er aðeins einn leikmaður Chelsea sem á öruggt sæti í liðinu að sögn goðsagnarinnar, Glen Hoddle.

Chelsea eyddi yfir 300 milljónum punda í sjö leikmenn í janúar en Hoddle telur að þeir eigi ekki allir fast sæti í byrjunarliðinu.

Graham Potter, stjóri Chelsea, á mikið verk framundan en sá leikmaður sem mun alltaf fá að spila er hinn 38 ára gamli Thiago Silva í miðverðinum.

,,Það er erfitt fyrir Graham Potter að velja sitt besta lið. Hann hefur ekki hugmynd um hvað það er,“ sagði Hoddle.

,,Jafnvel þegar félagaskiptaglugginn byrjaði var hann að reyna að finna sitt lið og sitt kerfi og ná jafnvægi.“

,,Thiago Silva á fast sæti í liðinu, það hlýtur að vera en allir aðrir eru á sama stað. Það er mikil vinna framundan.“