Stuðningsmaðurinn sem var kýldur fyrir leik West Ham og Chelsea í ensku úrvalsdeildinni um helginni með þeim afleiðingum að hann þurfti að fara á sjúkrahús hefur vakið mikla athygli.

Hann var með stæla við stuðningsmenn West Ham og var að endingu kýldur. Maðurinn, sem heitir Bill, var talinn stuðningsmaður Chelsea, en töluverður rígur er á milli félaganna.

Meira
Birti myndband af sér á sjúkrabeðinum: Var rotaður fyrir framan alla – Sjáðu hvað gerðist

Nú hefur yfirmaður hans hins vegar tjáð sig og segir hann að Bill haldi með D-deildarliðinu Wimbledon.

„Ég hef talað við Bill. Honum hefur verið strítt eitthvað eftir atvikið en enginn telur það sem gerðist ásættanlegt,“ segir yfirmaðurinn.

„Margir telja að hann hafi átt þetta skilið því hann kom sér í asnalega stöðu. Í þessi 4-5 ár sem hann hefur unnið hjá okkur hefur hann ekki gert neitt þessu líkt. Við bindum miklar vonir við hann í framtíðinni og hann er stór hluti af áætlunum okkar.“