Hjá Manchester United höfðu menn áhyggur af drykkju Paul Scholes á tímapunkti á leikmannaferli hans.
Scholes tjáir sig um þetta í nýju viðtali við fyrrum samherja sinn, Gary Neville.
„Enginn hefði giskað á að maður sem lifði þessum lífstíl væri knattspyrnumaður,“ segir Scholes um lífið utan vallar á sínum yngri árum.
Scholes er í dag 47 ára gamall en hann lagði skóna á hilluna árið 2013.
„Ég man þegar þú fórst heim af æfingasvæðinu í rútu og á föstudögum fórstu og fékkst þér nokkra bjóra fyrir leiki á laugardögum. Hvað voru það, þrír eða fjórir bjórar?“ spurði Neville.
„Stundum vorum við þarna til átta eða níu, stundum jafnvel til hálf tólf. Það var lífstíllinn minn. Ég var alinn upp í kringum bari sem barn. Hvert sem ég fór með mömmu og pabba, þar var bar. Ég var úti að sparka bolta í vegg af því börnin máttu ekki vera inni. Ég var bara að bíða eftir mömmu og pabba,“ segir Scholes.
Þjálfari unglingaliðs United hringdi í pabba Scholes þegar hann var ungur og tjáði honum að hann hefði áhyggjur.
„Ég man þegar ég var sextán eða sautján ára og að spila með unglingaliðinu. Eric Harrison (þá þjálfari) hringdi í pabba og sagðist hafa áhyggjur af drykkjunni minni.
Ég veit ekki hvort einhver hafi klagað mig. En svona var ég alinn upp. Það var barinn á fimmtudegi, föstudegi, laugardegi, sunnudegi og jafnvel mánidegi. Ég var alltaf í kringum bari.“