Fjöldi leikmanna í spænska kvennalandsliðinu í knattspyrnu hefur farið fram á það að Jorge Vilda verði rekinn úr starfi þjálfara.
Leikmennirnir sendu bréf sem stílað var á spænska knattspyrnusambandið og var Vilda sakaður um að hafa slæmt áhrif á líkamlega og andlega heilsu leikmanna.
15 leikmenn skrifa undir bréfið og neita hreinlega að mæta í næsta verkefni ef Vilda verður við störf.
Margar af bestu leikmönnum liðsins skrifa undir bréfið en spænska sambandið ætlar ekki að hlusta á þær. Í svari sambandsins segir að það muni ekki láta undan þrýstingi leikmanna.
Bréfinu er lýst sem fordæmalausu og snúist ekkert um íþróttina fögru, ljóst er þó að eitthvað mun undan láta á endanum.