Kristall Máni Ingason verður ekki með íslenska U-21 árs landsliðinu í umspilsleikjunum gegn Tékkum á morgun og þriðjudag vegna meiðsla.
Kristall, sem er leikmaður Rosenborg, var nokkuð óvænt í hópnum, en hann hefur verið að glíma við meiðsli.
Davíð Snorri Jónasson og aðrir þjálfarar U-21 liðsins ákváðu að taka stöðuna á honum en nú er ljóst að hann verður ekki með.
Sveinn Margeir Hauksson, leikmaður KA, hefur verið kallaður inn í hópinn í hans stað.
Fyrri leikurinn gegn Tékkum fer fram á Víkingsvelli klukkan 16 á morgun og sá síðari ytra á þriðjudag.
Sveinn Margeir Hauksson, KA, hefur verið kallaður inn í hóp U21 karla. Kristall Máni Ingason, Rosenborg, getur ekki tekið þátt í leikjum liðsins gegn Tékklandi vegna meiðsla.#fyririsland pic.twitter.com/2NJnpVRh3Q
— Knattspyrnusambandið (@footballiceland) September 22, 2022