Manchester Untied eltist í allt sumar við Frenkie de Jong miðjumann Barcelona án þess að miðjumaðurinn hefði nokkurn áhuga á að fara frá Barcelona.
De Jong segir frá þessu núna en Barcelona vildi selja De Jong en hann vildi aldrei fara. United reyndi og reyndi án árangurs.
„Ég vildi alltaf vera áfram hjá Barcelona, þess vegna var ég rólegur. Ég tók þá ákvörðun í maí,“ sagði de Jong.
Barcelona reyndi sitt besta til að losna við De Jong en hollenski miðjumaðurinn lét ekki segjast.
„Ég get því miður ekki gefið upp of mikið,“ sagði De Jong.
„Félagið hafði sínar hugmyndir og ég mínar hugmyndir, stundum eru þær ekki alveg á sömu blaðsíðu“