Sean Dyche skilur ákvörðun Burnley að reka sig á síðustu leiktíð eftir slakt gengi í ensku úrvalsldeildinni.
Dyche náði frábærum árangri með Burnley í mörg ár en var nokkuð óvænt rekinn á síðustu leiktíð er liðið féll úr efstu deild.
Burnley sat í 18. sæti deildarinnar er Dyche var rekinn en liðið hafði aðeins unnið fjóra leiki undir hans stjórn.
Þrátt fyrir það voru margir hissa enda hafði Dyche stýrt liðinu í tíu ár og kom liðinu á einum tímapunkti í Evrópukeppni.
,,Fólk segir að þessi ákvörðun hafi verið hörð í minn garð en við unnum ekki nógu marga leiki, það er staðreyndin. Það er þitt starf sem stjóri, að vinna nógu marga leiki og ég mun aldrei fela mig á bakvið þá staðreynd,“ sagði Dyche.
,,Það eru aðrar ásdtæður, milljón aðrar ástæður en staðreyndir eru staðreyndi. Við vorum með lið sem gat unnið fleiri leiki en við gerðum það ekki.“