Afturelding tekur á móti Fjölni í lokaumferð Lengjudeildar karla á laugardag. Sem fyrr munu Mosfellingar bjóða upp á framandi upplifun í stúkunni.
Fjölnir er í fjórða sæti deildarinnar með 33 stig, fjórum stigum á undan Aftureldingu sem er í því sjötta.
Afturelding hefur í sumar boðið upp á klippingu, rauðvínssmökkun, nudd og fleira á meðan leikjum stendur. Á dögunum var svo boðið upp á að horf á leik í heitum potti.
Á leiknum á laugardag verður boðið upp á að fá sér Aftureldingar-húðflúr á fimm þúsund krónur. Jón Þór Ísberg mun sjá um að flúra menn.
Hægt er að panta húðflúr með því að senda Aftureldingu skilaboð á samfélagsmiðlum.
🎊Tattú og leikur!
⚽Afturelding fær @Fjolnir_FC í heimsókn í lokaumferð Lengjudeildarinnar á laugardag klukkan 14:00
🖋️ Jón Þór Ísberg, húðflúrari, verður með græjurnar á áhorfendasvæðinu og hægt er að fá Aftureldingar húðflúr á 5000 krónur!
🤝 Pantanir í skilaboðum pic.twitter.com/irc7j9usGr
— Afturelding (@umfafturelding) September 14, 2022