Augnablik og Víkingur Reykjavík áttust við í Lengjudeild kvenna í gær.
Úr varð markaleikur, sem Víkingur vann að lokum 2-3. Bergdís Sveinsdóttir skoraði tvö marka Víkings og Christabel Oduro gerði eitt. Katla Guðmundsdóttir og Harpa Helgadóttir skoruðu fyrir Augnablik.
Það sem vekur mikla athygli að leik loknum er að meðalaldur lið Augnabliks í leiknum var aðeins 16,1 ár, sem er afar ungt í næstefstu deild í meistaraflokki.
Það var Hilmar Þór Sigurjónsson, einn þjálfari Augnabliks, sem vakti athygli á þessu. „Þrjár í byrjunarliði sem voru að klára 9. bekk, fjórar að klára 10. bekk. Bara þrjár sem mega kjósa. Framtíðin,“ skrifaði hann jafnframt.
Víkingur er í fjórða sæti deildarinnar með 26 stig. Augnablik er í sjöunda sæti með tólf stig.
Byrjunarlið Augnabliks gegn Víking R. í gær var 16,1 ára. Þrjár í byrjunarliði sem voru að klára 9. bekk, fjórar að klára 10. bekk. Bara þrjár sem mega kjósa. Framtíðin.
— Hilmar Þór Sigurjónsson (@hilmar_sig) August 9, 2022