Jón Daði Böðvarsson komst á blað fyrir lið Bolton í kvöld sem spilaði gegn Salford í enska bikarnum.
Jón Daðif ékk tækifæri í byrjunarliði Bolton í kvöld sem lenti óvænt undir 1-0 á heimavelli.
Bolton sneri leiknum hins vegar sér í vil og vann að lokum sannfærandi 5-1 heimasigur.
Jón Daði fékk að spila 83 mínútur í kvöld og skoraði annað mark Bolton undir lok fyrri hálfleiks.
Alfons Sampsted og félagar í Bodo/Glimt eru komnir áfram í Meistaradeildinni eftir 1-1 jafntefli við Zalgiris frá Litháen.
Alfons spilaði allan leikinn í jafnteflinu en Bodo/Glimt vann fyrri leikinn örugglega 5-0.
Midtjylland er þá úr leik eftir leik við Benfica sem tapaðist 3-1. Elías Rafn Ólafsson lék í marki Midtjylland sem tapar viðureigninni samanlagt 7-2. Liðið mun fara í Evrópudeildina eftir þetta tap.
Í Svíþjóð spilaði Böðvar Böðvarsson fyrir lið Trelleborg sem gerði markalaust jafntefli við Utsikten í B-deildinni.
Annað markalaust jafntefli var í boði hjá Skövde AIK og Öster þar sem Alex Þór Hauksson lék á miðju Öster.