Erling Haaland hefði ekki hikað við að kýla liðsfélaga sinn í andlitið í gær hefði hann ekki fengið að taka vítaspyrnu gegn West Ham.

Haaland ákvað í raun sjálfur að taka spyrnuna í 2-0 sigri á Hömrunum en hann skoraði bæði mörk liðsins í leiknum.

Haaland er leikmaður Manchester City í dag og var Pep Guardiola, stjóri liðsins, virkilega ánægður með viðhorf leikmannsins í gær.

,,Hann á skilið hrós fyrir hvernig hann brást við, hvernig hann tók boltann í sínar hendur, ég var hrifinn af því,“ sagði Guardiola.

,,Ef einhver reynir að taka af honum boltann þá held ég að hann verði kýldur í andlitið, ég er nokkuð viss um það og það boðar gott.“

,,Þú þarft að vera með sjálfstraust og vera metnaðarfullur með gott hugarfar, ég var hrifinn og auðvitað skoraði hann.“