ÍA tapaði í kvöld sínum sjöunda leik í röð í Bestu deild karla er liðið spilaði við Val á heimavelli.
ÍA hefur aðeins unnið einn leik í sumar en Valur kom sá og sigraði á Akranesi og hafði betur 2-1.
Stóru nöfnin komust á blað hjá Val í kvöld en Aron Jóhannsson og Arnór Smárason gerðu mörk Vals.
ÍA situr á botni deildarinnar með átta stig en Valur er í því fimmta með 27.
Keflavík vann þá sterkan útisigur gegn Leikni Reykjavík þar sem dramatíkin var töluverð.
Frans Elvarsson tryggði Keflvíkingum þrjú stig í uppbótartíma og um leið 21. stig liðsins í deildinni í sumar. Leiknismenn eru í fallsæti með tíu.
ÍA 1 – 2 Valur
0-1 Aron Jóhannsson (’51)
0-2 Arnór Smárason (’67)
1-2 Kristian Lindberg (’85)
Leiknir R. 1 – 2 Keflavík
0-1 Patrik Johannesen (’45)
1-1 Zean Dalugge (’61)
1-2 Frans Elvarsson (’91)