Það var baulað á framherjann Martin Braithwaite á Camp Nou í gær. Barcelona tók þá á móti Pumas í æfingaleik sem liðið vann örugglega, 6-0.
Braithwaite var ekki í hópi Barcelona í leiknum en áður en hann hóft voru allir leikmenn liðins kynntir til leiks fyrir komandi tímabil.
Þegar nafn Danans var kallað baulaði stór hluti stuðingsmanna Börsunga.
Braithwaite gekk í raðir Barcelona snemma árs 2020. Framherjinn hefur skorað tíu mörk í 56 leikjum fyrir félagið.
Barcelona vill losa sig við hann til að geta skráð nýja leikmenn í leikmannahóp sinn fyrir komandi leiktíð.
Hinn 31 árs gamli Braithwaite neitar hins vegar að fara, nema hann fái þau tvö ár sem hann á eftir af samningi sínum greidd út strax. Stuðningsmenn hafa klárlega engan húmor fyrir því.
whistles at Martin Braithwaite#Barca #Braithwaite #Gamper #Gamper2022 #Lewandowski pic.twitter.com/CMpiY6zRtb
— FUT (@Futboleer) August 8, 2022