Ben Godfrey, leikmaður Everton, meiddist illa í gær er hann spilaði opnunarleik liðsins við Chelsea.
Leiknum lauk með 0-1 sigri Chelsea á Goodison Park þar sem eina markið var skorað úr vítaspyrnu af Jorginho.
Godfrey þurfti að fara af velli eftir aðeins 18 mínútur en hann meiddist mjög illa eftir tæklingu innan eigin vítateigs.
Varnarmaðurinn lenti mjög illa eftir að hafa tæklað boltann af Kai Havertz og þurfti að bera hann af velli.
Líklega er um ökklabrot að ræða og verður Godfrey frá í dágóðan tíma vegna þess.
Varað er við myndbandinu hér fyrir neðan sem er ekki fyrir viðkvæma.
Looks a nasty injury for Godfrey🤕 #EveChe pic.twitter.com/iZccSFvO0I
— Connor Reed (@connorreeddx) August 6, 2022