West Ham 0 – 2 Man City
0-1 Erling Haaland(’36, víti)
0-2 Erling Haaland(’65)
Erling Haaland byrjar virkilega vel í ensku úrvalsdeildinni en hann lék með Manchester City gegn West Ham í dag.
Um var að ræða síðasta leik dagsins en grannarnir í Man Utd höfðu fyrr í dag tapað gegn Brighton.
Englandsmeistararnir gerðu ekki sömu mistök gegn West Ham og byrja á mjög góðum 2-0 útisigri.
Haaland kom til Man City frá Dortmundm í sumar en hann sá um að skora bæði mörk liðsins í sigrinum.
Það fyrra skoraði Norðmaðurinn úr vítaspyrnu í fyrri hálfleik og það seinna þegar 65 mínútur voru komnar á klukkuna.