Varnarmaðurinn Matt Miazga er farinn aftur til heimalandsins og gerir samning við FC Cincinnati í MLS-deildinni.

Miazga er Bandaríkjamaður en hann kom til Chelsea árið 2016 en spilaði aðeins tvo leiki á sex árum.

Tækifærið var í raun aldrei til staðar fyrir varnarmanninn sem spilaði með Vitesse, Nantes, Reading, Anderlecht og síðast Alaves á láni.

Miazga hefur nú gefið Evrópudrauminn upp á bátinn og er mættur aftur til Bandaríkjanna og semur endanlega við Cincinnati.

Miazga er orðinn 27 ára gamall en hann gerir þriggja ára samning við Cinicnnati og kemur á frjálsri sölu.