DC United í Bandaríkjunum hefur fengið svakalegan liðsstyrk fyrir komandi átök í MLS deildinni.
Christian Benteke hefur skrifað undir samning við félagið og kemur frá Crystal Palace.
Benteke skoraði tæplega 40 mörk á sex árum hjá Palace en hann var áður hjá Aston Villa og Liverpool.
Wayne Rooney er stjóri DC United og með liðinu leikur einnig Guðlaugur Victor Pálsson.
Benteke er 31 árs gamall og á að baki 31 landsleik fyrir Belgíu.