Jamie Carragher, sparkspekingur Sky Sports, segir að það sé nú komið að því að Manchester United þurfi að sparka Cristiano Ronaldo.
Ronaldo hefur verið á milli tannana á fólki í allt sumar en hann hefur reynt að komast burt og vill spila í Meistaradeildinni.
Það hefur hins vegar ekkert gengið hjá Ronaldo að semja við annað félag og er útlit fyrir að hann byrji tímabilið með Man Utd.
,,Um leið og leikmaður Manchester United hélt hann væri stærri en félagið þá þurfti hann að fara,“ sagði Carragher sem lék áður með Liverpool.
Carragher bætir við að hegðun Ronaldo sé minnst óásættanleg og Erik ten Hag, stjóri liðsins, ætti að hugsa um framtíð félagsins sem væri betri án Portúgalans.
Carragher segir einnig að Ten Hag geti sent skýr skilaboð með því að losa sig við Ronaldo og að halda honum muni skapa frekari vandamál innan herbúða félagsins.
Ten Hag tók aðeins við Man Utd í sumar og ljóst að hann á erfiðar vikur framundan þar sem enska deildin byrjaði um helgina og er einbeitingin mögulega annars staðar en á einum leikmanni.