Lorenzo Lucca varð í gær fyrsti Ítalinn frá upphafi til að ganga í raðir Ajax í Hollandi samkvæmt frétt Football Italia.
Ajax er sögufrægt félag í Evrópu sem og í Hollandi en hefur lítið verið að nota leikmenn frá Ítalíu.
Football Italia segir að Lucca verði fyrsti leikmaður sögunnar til að klæðast treyju Ajax en hann kemur á láni og getur svo gengið endanlega í raðir liðsins fyrir 11 milljónir evra.
Lucca kemur til félagsins frá Pisa á Ítalíu en hann er sóknarmaður og lék áður fyrir Palermo.
Framherjinn er 21 árs gamall og skoraði sex mörk í 30 leikjum fyrir Pisa í Serie B á síðustu leiktíð.