Samúel Kári Friðjónsson átti frábæran leik fyrir Viking í kvöld sem vann sannfærandi sigur í Sambandsdeildinni.
Samúel bæði skoraði og lagði upp í 5-1 sigri á Sligo Rovers en hann skoraði annað mark liðsins og lagði upp það fjórða.
Patrik Gunnarsson varði mark Viking sem er í öruggum málum fyrir seinni leikinn þann 11. ágúst.
Hólmbert Aron Friðjónsson byrjaði hjá Lilleström sem er ekki í góðum málum í sinni viðureign. Lilleström tapaði 3-1 heima gegn Antwerp frá Belgíu þar sem framherjinn spilaði 82 mínútur.
Hörður Björgvin Magnússon var í vörn Panathinaikos sem tapaði 2-0 gegn Slavia Prag á útivelli en sú viðureign er enn opin fyrir seinni leikinn í Grikklandi.