Það er ólíklegt að Cesar Azpilicueta fái óskaskipti sín til Barcelona í gegn. Þetta segir á vef The Times.
Azpilicueta er fyrirliði Chelsea og á aðeins eitt ár eftir af samningi sínum. Hann vill komast til Barcelona.
Todd Boehly, nýr eigandi Chelsea, hefur hins vegar sjálfur tjáð honum að hann fái ekki að fara.
Azpilicueta getur leikið sem hægri bakvörður og hægra megin í hjarta varnarinnar í þriggja miðvarða kerfi.
Þegar hafa tveir miðverðir farið frá Chelsea í sumar, þeir Andreas Christensen og Antonio Rudiger fóru til Barcelona og Real Madrid.
Chelsea hafnaði í þriðja sæti ensku úrvalsdeildarinnar á síðustu leiktíð.