KA 2 – 3 Víkingur R.
0-1 Erlingur Agnarsson (’19)
1-1 Sveinn Margeir Hauksson (’38)
2-1 Nökkvi Þeyr Þórisson (’67)
2-2 Júlíus Magnússon (’76)
2-3 Birnir Snær Ingason (’90)
Það vantaði ekki upp á dramatíkina í öðrum leik dagsins í Bestu deild karla en stórleikur var spilaður á Akureyri.
Tvö topplið í KA og Víking Reykjavík áttust við þar sem það síðarnefnda vann 3-2 útisigur.
KA var með 2-1 forystu þegar um korter var eftir af leiknum en þá jafnaði Júlíus Magnússon metin fyrir gestina.
Birnir Snær Ingason sá svo um að tryggja Víkingum risastór þrjú stig í titilbaráttunni.
Víkingar eru með 35 stig í þriðja sætinu, einu stigi á eftir KA og sjö stigum á eftir toppliði Breiðabliks.