Knattspyrnusamband Íslands hefur auglýst lausa stöðu yfirmanns knattspyrnumála.
Arnar Þór Viðarsson, þjálfari karlalandsliðs Íslands, hefur sinnt starfinu síðan 2019 og samhliða þjálfun landsliðsins síðan í lok árs 2020.
Það hefur lengi verið í umræðunni hvort ekki eigi að ráða nýjan einstakling í starfið. Nú hefur það verið auglýst.
Frestur til að sækja um starfið rennur út 15. september. Nánar má lesa um það með því að smella hér.