Brasilíski miðjumaðurinn Casemiro er líklega að ganga til liðs við Manchester United frá Real Madrid á næstu dögum.
Sjálfur er leikmaðurinn sagður opinn fyrir skiptunum, en félögin eiga eftir að ná endanlega saman.
Casemiro mun þéna ansi vel á Old Trafford og fá langtímasamning.
Samkvæmt The Athletic munu laun hans verða svipuð og hjá markverðinum David De Gea, sem þénar 375 þúsund pund á viku. Spánverjinn er einmitt launahæsti markvörður heims.
Cristiano Ronaldo er langlaunahæsti leikmaður United. Hann þénar 510 þúsund punda á viku.
Framtíð Portúgalans er þó í mikilli óvissu. Hann hefur reynt að komast burt frá United í allt sumar. Hann vill leika í Meistaradeild Evrópu, eitthvað sem Rauðu djöflarnir geta ekki boðið honum eftir að hafa hafnað í sjötta sæti á síðustu leiktíð.