Nú er í gangi leikur HK og Breiðabliks í Mjólkurbikars karla en staðan er markalaus eftir fyrri hálfleikinn.
Um er að ræða grannaslag í 8-liða úrslitum keppninnar en spilað er á heimavelli HK í Kórnum.
Óhugnanlegt atvik átti sér stað í fyrri hálfleik er þeir Damir Muminovic og Teitur Magnússon lentu saman.
Þeir skölluðu saman í baráttu um boltann og var Damir alblóðugur og þurfti aðhlynningu eftir atvikið.
Báðir leikmennirnir náðu að halda leik áfram sem betur fer en myndir af þessu má sjá hér fyrir neðan.