Frenkie de Jong er enn ákveðinn í að spila fyrir Barcelona í vetur og er ekki að leitast eftir því að komast burt.
Þetta segir blaðamaðurinn virti Fabrizio Romano en Manchester United hefur lengi sýnt Hollendingnum áhuga.
Man Utd hefur reynt að fá De Jong í sumar án árangurs en hann vill spila áfram fyrir Barcelona og ku einnig eiga inni laun hjá félaginu.
,,Það sem ég heyri er að leikmaðurinn er enn að segja umboðsmanni sínum, Barcelona og öllum þeim félögum sem hafa samband að hann vilji halda áfram,“ sagði Romano.
,,Hann gæti á endanum breytt um skoðun og staðan gæti breyst en í dag einbeitir hann sér að Barcelona. Ég er ekki viss um að Man Utd sé eina félagið sem er á eftir honum.“