Víkingur R. 5 – 3 KR
1-0 Erlingur Agnarsson (’31)
2-0 Birnir Snær Ingason (’36)
2-1 Theodór Elmar Bjarnason (’45)
3-1 Ari Sigurpálsson (’55)
3-2 Atli Sigurjónsson (’66)
3-3 Sigurður Bjartur Hallsson (’84, víti)
4-3 Helgi Guðjónsson (’87, víti)
5-3 Sigurður Steinar Björnsson (’89)
Víkingur Reykjavík er komið í undanúrslit Mjólkurbikars karla eftir leik við KR í kvöld.
Leikið var á Víkingsvelli og var viðureignin fjörug en alls voru átta mörk skoruð og höfðu Víkingar betur.
Heimamenn komust í 2-0 en Erlingur Agnarsson og Birnir Snær Ingason sáu um að skora mörkin.
Theodór Elmar Bjarnason lagaði svo stöðuna fyrir KR áður en Ari Sigurpálsson kom Víkingum aftur tveimur mörkum yfir.
Atli Sigurjónsson minnkaði svo muninn fyrir KR á 66. mínútu og fékk liðið svo vítaspyrnu á 84. mínútu.
Úr henni skoraði Sigurður Bjartur Hallsson og virtist ætla að tryggja KR-ingum framlengingu.
Þremur mínútum seinna fékk Víkingur hins vegar sína eigin vítaspyrnu sem Helgi Guðjónsson nýtti og kom liðinu yfir.
Sigurður Steinar Björnsson bætti svo við fimmta marki Víkinga stuttu seinna og tryggði liðinu rosalegan 5-3 sigur.