Auðjöfurinn Elon Musk setti inn færslu á Twitter í gær, þess efnis að hann ætlaði sér að kaupa Manchester United.
Musk er moldríkur og ætti ábyggilega efni á því en hann hefur nú dregið í land og sagst hafa verið að grínast.
Also, I’m buying Manchester United ur welcome
— Elon Musk (@elonmusk) August 17, 2022
Þegar annar Twitter-notandi spurði hann hvort honum væri alvara, tjáði Musk honum að svo væri ekki.
No, this is a long-running joke on Twitter. I’m not buying any sports teams.
— Elon Musk (@elonmusk) August 17, 2022
Stuðningsmenn United væru margir án efa til í að sjá Musk kaupa félag sitt. Núverandi eigendur, Glazer-fjölskyldan, er afar óvinsæl og hefur skilið félagið eftir skuldum vafið.
Fjöldi stuðningsmannahópa United hefur hvatt til mótmæla á meðan leik liðsins gegn Liverpool stendur á mánudag.