Rúnar Alex Rúnarsson hefur skrifað undir samning við Alanyaspor í tyrknensku úrvalsdeildinni. Hann gengur í raðir liðsins á láni.
Þetta staðfestir enska félagið Arsenal í kvöld en Rúnar er samningsbundinn á Emirates eftir að hafa komið árið 2020.
Það gekk erfiðlega hjá íslenska landsliðsmanninum í treyju Arsenal en hann spilaði með OH Leuven á láni á síðustu leiktíð.
Þar spilaði Rúnar 20 leiki í öllum keppnum og mun nú reyna að festa sig í sessi í Tyrklandi.
Rúnar er 27 ára gamall markmaður og á að baki 17 landsleiki fyrir Ísland.