Leicester City er reiðubúið að losna við Youri Tielemans frítt næsta sumar frekar en að selja hann til Arsenal í þessum glugga.
Frá þessu greina enskir miðlar en Tielemans verður samningslaus næsta sumar og má ræða við ný félög í janúar.
Arsenal hefur sýnt leikmanninum mikinn áhuga í sumar en Leicester hefur hingað til ekki sýnt vilja til að selja.
Félagið telur sig þurfa á kröftum Tielemans að halda í vetur og mun frekar losa hann frítt 2023 en að selja hann í sumar.
Leicester mun þó samþykkja nógu hátt tilboð frá Arsenal en hingað til hafa félögin alls ekki komist að samkomulagi.