Nottingham Forest 1 – 0 West Ham
1-0 Taiwo Awoniyi (’45)
Nottingham Forest er komið á blað í ensku úrvalsdeildinni eftir leik við West Ham á heimavelli sínum í dag.
Leikurinn í dag var ansi fjörugur en nýliðarnir í Forest höfðu betur með einu marki gegn engu.
Taiwo Awoniyi skoraði eina mark leiksins á 45. mínútu en West Ham fékk kjörið tækifæri til að jafna í síðari hálfleik.
Declan Rice steig þá á vítapunktinn fyrir gestina en Dean Henderson sá við honum.
West Ham fékk sín færi til að skora í leiknum en inn vildi boltinn ekki og lokatölur, 1-0 fyrir Forest.