Lionel Messi er ekki á meðal 30 bestu leikmanna heims þessa stundina samkvæmt lista Ballon d’Or sem kýs besta leikmann Evrópu á hverju ári.
Messi er ekki á listanum í fyrsta skiptið í heil 17 ár en síðast var nafn hans ekki á blaði árið 2017.
Argentínumaðurinn hefur upplifað nokkuð erfiða tíma í Frakklandi en hann leikur í dag með Paris Saint-Germain.
Neymar, liðsfélagi Messi, komst á listann sem og helsti keppinautur Messi til margra ára, Cristiano Ronaldo.
Messi skoraði 11 mörk fyrir PSG á síðustu leiktíð er liðið vann franska titilinn og lagði upp önnur 14.
Hann er af mörgum talinn einn besti ef ekki besti leikmaður sögunnar og hefur unnið Ballon d’Or sjö sinnum.