Brendan Rodgers, stjóri Leicester City, er að reyna að sannfæra varnarmanninn Wesley Fofana um að vera áfram hjá félaginu í vetur.
Fofana er efstur á óskalista Chelsea þessa stundina og er liðið að undirbúa þriðja tilboð sitt í leikmanninn.
Leicester hefur nú þegar hafnað boði upp á 70 milljónir punda og vill alls ekki missa Fofana í sumar.
Rodgers spilar sitt hlutverk og er að gera allt mögulegt til að sannfæra Fofana um að fara ekki til enska stórliðsins.
Fofana hefur verið opinn fyrir því að ganga í raðir Chelsea í sumar en hann gæti endað uppi sem dýrasti varnarmaður sögunnar.
