fbpx
Laugardagur 01.október 2022
433Sport

Mikael segir Blika upp til hópa dónalega – Sakar þá um að hafa pantað umfjöllun

Hörður Snævar Jónsson
Fimmtudaginn 11. ágúst 2022 09:25

Mikael Nikulásson.

Ekki missa af Helstu tíðindum dagsins í pósthólfið þitt

Lesa nánar

Sparkspekingurinn Mikael Nikulásson sakar Breiðablik um að hafa pantað umfjöllun hjá vefmiðlunum Fótbolta.net í kjölfarið af ummælum hans um tap Blika gegn Istanbul Basaksehir í forkeppni Sambandsdeildarinnar í síðustu viku. Um var að ræða fyrri leik liðanan en sá síðari fer fram í dag. Þetta kom fram í hlaðvarpsþættinum Þungavigtin í gær.

„Ég segi bara lélegt að tapa 1-3, sorry,“ sagði Mikael Nikulásson fyrir tæpri viku síðan og í kjölfarið birtist grein á Fótbolta.net

„Lélegt hjá Blikum? – Það er í raun galin staðhæfing,“ sagði í pistli sem Guðmundur Aðalsteinn Ásgeirsson blaðamaður vefsins skrifaði á Fótbolta.net.

Mikael telur að Blikar hafi pantað þessa umfjöllun og svaraði fyrir þetta í Þungavigtinni í gær. „Enda stend ég fastur á þessu, það er gaman að sjá Blikana tvo á Twitter koma og taka undir þetta og alltaf með smá dónaskap. Ég hef aldrei skilið það hjá Blikum, það þarf alltaf að koma með dónaskap. Þetta eru menn sem hlusta á þættina, ef þeir vilja vera með dónaskap þá er það bara þeirra,“ sagði Mikael og vitnaði í umræðu á Twitter um ummæli hans.

Mikael fékk veður af því í síðustu viku að Blikar væru ósáttir með ummæli hans.

„Ég heyrði af þessu á föstudag að þeir væru ósáttir með það að ég hefði sagt þetta að þetta væri lélegt að tapa 1-3. Það er eitthvað sem segir mér að Blikarnir hafi sent þetta sjálfir inn á Fótbolta.net. Því Fótbolti.net eins góður og þátturinn okkar er, það er ekki í forgangi hjá þeim að birta fréttir upp úr þættinum okkar. Þessi kom allt í einu inn, við höfum oft verið meira krassandi hluti. Þeir vitna aldrei í okkur og ef það kemur frá okkur þá reyna þeir að vitna í aðra. Ég held að Blikarnir hafi sent þeim þetta, það kallast að vera lítill,“ segir Mikael í þættinum.

„Þeir missa fókus og tapa 5-2 gegn Stjörnunni, að eyða orku í þetta og þá kom leikurinn við Stjörnuna sem þeir tapa. Þetta er svolítið Breiðablik.“

Ræddi við Óskar Hrafn eftir ummælin:

Mikael segir frá því að hann hafi átt samskipti við Óskar Hrafn Þorvaldsson þjálfara Blika eftir að ummælin féllu.

„Ég heyrði í þjálfara Breiðabliks meðal annars, honum fannst þetta óvægin gagnrýni. Ég er glaður með það að Blikar spili sinn fótbolta, ef þeir hefðu breytt í þessum leik þá hefðu þeir ekki tapað svona stórt.“

Í pistil Guðmundar á Fótbolta.net var farið yfir styrkleikalista og fleira í þeim dúr.

„Síðan eru menn að benda á að þeir séu í 65 sæti á styrkleikalista UEFA. Ég ætla að benda á það að Istanbul liðið er svona ofarlega á þessum lista eftir að hafa unnið deildina í Tyrklandi fyrir þremur árum, þar þekktuð þið alla leikmenn liðsins. Demba Ba, Adebayor og fleiri. Þeir enduðu svo í tólfta og fjórða sæti, þeir eru þarna á styrkleikalistanum í dag. FH er efst af íslensku liðunum á þessum lista, eru þeir besta íslenska liðið? FH er sjötíu sætum fyrir ofan Blika.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 6 klukkutímum

Sjáðu þegar Íslandsmeistaraskjöldurinn fór á loft í fyrsta sinn

Sjáðu þegar Íslandsmeistaraskjöldurinn fór á loft í fyrsta sinn
433Sport
Fyrir 6 klukkutímum

Hálfleikur í úrslitaleiknum – Sjáðu mörkin

Hálfleikur í úrslitaleiknum – Sjáðu mörkin
433Sport
Fyrir 8 klukkutímum

Martinez ætti að halda sig frá Haaland á morgun

Martinez ætti að halda sig frá Haaland á morgun
433Sport
Fyrir 8 klukkutímum

Byrjunarliðin í úrslitaleiknum: Lennon og Kristinn Freyr á bekknum – Enginn Nikolaj Hansen

Byrjunarliðin í úrslitaleiknum: Lennon og Kristinn Freyr á bekknum – Enginn Nikolaj Hansen
433Sport
Fyrir 11 klukkutímum

Pabbi Haaland tjáir sig – Man Utd kom aldrei til greina

Pabbi Haaland tjáir sig – Man Utd kom aldrei til greina
433Sport
Fyrir 11 klukkutímum

Fyrrum Grindvíkingur móðgaði goðsögnina Ferguson – ,,Hann vildi ekki horfa á mig“

Fyrrum Grindvíkingur móðgaði goðsögnina Ferguson – ,,Hann vildi ekki horfa á mig“
433Sport
Fyrir 14 klukkutímum

Ásökuð um að vera alveg sama um skilnaðinn – ,,Er lausnin að birta klámfengnar myndir? Þú átt börn“

Ásökuð um að vera alveg sama um skilnaðinn – ,,Er lausnin að birta klámfengnar myndir? Þú átt börn“
433Sport
Fyrir 15 klukkutímum

Tómas skaut á FH fyrir framan Davíð – „Það er enginn að vakna núna“

Tómas skaut á FH fyrir framan Davíð – „Það er enginn að vakna núna“